«№1 Мектеп-гимназия»
Коммуналдық мемлекеттік мекемесі
Мемлекеттің болашағы мектебінде шыңдалады
Адамзат алдында тұратын ұлы мұраттың ең бастысы - өзінің ісін, өмірін жалғастыратын салауатты, саналы, рухани бай және ақыл-парасаты мол, мәдени-ғылыми өресі озық азамат тәрбиелеу. Тәуелсіз еліміз қанатын кере жайып, ел мәдениеті өркендеген қазіргі заманда тек білімді жастар ғана ұлтымызды асқақ, елімізді көкке көтеретіні даусыз.
Мемлекетіміздің жастардың сапалы білім алып, саналы азамат болуы үшін қазіргі заманда білім-ғылымға және мәдениетке аса көп назараударатыны, ғылыми прогресті дамыту үшін көптеген жаңашылдық әкеліп, еліміздің дамуындағы білімнің маңызын айқындауы - бәрі де еліміздің экономикасының қарыштап дамуындағы бірден-бір өзгеріс екені баршамызға айқын.
Әрбір мемлекеттің болашағы мектебінде шыңдалады. Ертең осы елге ие болып тізгінін ұстар азаматтар бүгінгі мектеп оқушысы болғандықтан қазақстандық барлық мектептердің бүгінгі жайы, даму бағыты мемлекеттің назарында. Тәуелсіздігіміздің 30 жылдығы қарсаңына ғимаратына ғимарат қосылып, жаңарып, техникалық базасы толығып жатқан мектебіміздің жаңа келбеті - ел болашағы жастарымызға жасалған тамаша тарту деп білеміз.
Мектебіміздің жаңа компьютерлік кабинеттермен, ақпаратты жүйелермен (интерактивті электронды тақталар, жоғары жылдамдықты интернет, мультимедиялық кабинеттермен) жабдықталуы оқушыларға сапалы білім беру мен қатар, мұғалімге де оқу үрдісін тиімді басқаруға қажетті заманауи сабақ беруіне ыңғайлы болды. Мектеп оқушыларының демалатын, тамақтанатын орны, сабақ оқитын кабинеттері талапқа сай жасақталған. Балалар жаңартылған топтық жүйе бойынша оқытылады. Ұстаздарымыздың барлығы да жоғары білімді, педагог-зерттеуші, педагог-сарапшы, және модератор педагогтер.
1939 жылы іргетасы қаланған мектеп кезең-кезеңімен жаңарып, түлеп, түрленіп қаншама ұрпаққа қызмет етіп келеді. Сапалы білім, саналы тәрбие беру мектебіміздегі әр ұстаздың алға қойған мақсаты болса, өз ісінің білімді, өнегелі азаматы болу-әр оқушының міндеті.
Қолдарыңыздағы жүз жылдан аса өткені бар мектептің тарихы ондағы еңбек еткен тәлімді ұстаз бен тәрбиелі шәкірттің өскенімен жазылды.
